Elbasan Rashani ia ka siguruar fitores skuadrës së Elches ndaj Cordobas me rezultatin 2-1, në kuadër të La Liga 2.
Sulmuesi kosovar, Rashani, në lojë u inkuadrua në minutën e 89-të, ndërsa golin e fitores e realizoi tetë minuta më pas.
Për 31-vjeçarin Rashani ky ishte goli i tretë këtë edicion në tetë ndeshjet e zhvilluara deri më tani.
Elche me fitore është ngritur sërish në pozitën e parë me 60 pikë dhe po ec me hapa drejt La Ligas.
Kjo pasi Elche është në rrugë të mirë për ta siguruar një vend për edicionin e ardhshëm në elitën e futbollit spanjoll.
