Raportohet për disa të vrarë gjatë një sulmi në Gjermani

Disa persona janë vrarë dhe të tjerë janë plagosur në një sulm në Lautlingen të dielën, më 14 korrik, raportoi gazeta gjermane Bild.

Ky qytet gjendet në shtetin gjerman të Baden-Vurtemberg.

Bild tha se sulmuesi dyshohet se është gjahtar. Megjithatë, kjo gazetë gjermane nuk specifikoi numrin e viktimave.

Policia gjermane ka konfirmuar po ashtu se disa persona kanë vdekur, duke mos specifikuar numrin e saktë të viktimave, shkruan REL.

Një zëdhënës i policisë gjermane tha se publiku i gjerë nuk është në rrezik.