Kosova ka shënuar progres të lehtë në shkallën e demokracisë, sipas organizatës “Freedom House”.
Megjithatë Kosova sërish radhitet në grupin e shteteve që janë pjesërisht të lira.
Në raport thuhet se korrupsioni dhe pavarësia gjyqësorit mbesin probleme serioze për Kosovën.
Po ashtu, raporti thekson se gazetarët përballen me presione serioze dhe ka rrezik që ata të sulmohen në lidhje me raportimin e tyre.
Juristi, Labinot Leposhtica, tregon për problemet me të cilat gazetarët po ballafaqohen.
Ndërkaq ajo që i bie ne sy profesorit nga University of Winchester, Seb Bytyçi, është se Kosova po bën progres më shumë për dallim nga vendet e rajonit, të cilat kanë bërë hapa prapa.
Raporti i “Freedom House” mes tjerash ka përmendur disa figura të politikës në Kosovës. Sipas tyre ish-presidenti Hashim Thaçi dhe ish-kryeministri Ramush Haradinaj, kanë lidhje me krimin e organizuar dhe korrupsionin e nivelit të lartë.
Raporti i gazetarit Shpat Blakçori.
