Futbollisti i Malishevës, Drilon Hazrollaj prej sezonit të ardhshëm do të luaj në kampionatin e Rumanisë.
Në fakt, Hazrollaj do të transferohet te Rapidi i Bukureshtit pasi të gjitha palët tashmë kanë arritur marrëveshjen, e cila do të zyrtarizohet në fund të sezonit.
Transferimin e Hazrollajt te Rapidi, e ka konfirmuar edhe njëri nga aksionarët e këtij klubit, Victor Angelescu por që nuk ka dhënë shumë detaje.
Sipas tij, Hazrollaj është një futbollist fantastik dhe do të jetë përforcim i madh për Rapidin, ekip që synon titullin e kampionit.
Megjithatë, Angelescu ka insistuar se Rapidi ka pranuar të paguajë një shumë të mirë parash por jo 900 mijë euro, siç është spekuluar më parë.
Hazrollaj 21-vjeçar këtë sezon ka shënuar 9 gola dhe ka bërë 3 asistime në 27 ndeshje të luajtura për Malishevën.
