Skuadra e Barcelonës, do të jetë pa brazilianin Raphinha në ndeshjen “El Clasico” kundër Real Madridit.
Mediumet spanjolle, kanë konfirmuar të premten se Raphinha nuk ka arritur të rikuperohet me kohë dhe ka munguar në dy seancat e fundit stërvitore, duke mbetur jashtë listës së lojtarëve të ftuar për “El Clasico”.
Krahas Raphinhas, Barcelona për këtë ndeshje të rëndësishme do të jetë edhe pa Dani Olmon, Robert Leëandoëskin e Gavin, gjithashtu të lënduar.
“El Clasico” luhet të dielën prej orës 16:15 në stadiumin “Santiago Bernabeu” të Madridit dhe i takon xhiros së dhjetë të La Ligas spanjolle.
Aktualisht, Real Madridi prinë në tabelë me 24 pikë të mbledhura, dy më shumë se Barcelona që zë vendin e dytë dhe në “El Clasico” do të jetë edhe pa trajnerin Hansi Flick, të suspenduar.
