Skuadra e Rangersit po e përgatit lëvizjen e fundit për sulmuesin e Kosovës, Albion Rrahmani.
Bëhet e ditur se Rangersi brenda këtij jave edhe zyrtarisht do t’i bëjë ofertë Rapid Bukureshtit për transferimin e Rrahmanit këtë verë.
Mësohet se Rapidi po kërkon të paktën 6 milionë euro për Rrahmanin, por thuhet se marrëveshja mes klubeve mund të arrihet edhe për 5 milionë euro pasi sulmuesi është pajtuar të transferohet në Skoci.
Rrahmani i mungoi Rapidit në ndeshjen e fundit kampionale për shkak të lëndimit, ndërsa në garë për transferimin e tij janë futur edhe skuadra nga Franca e Belgjika.
Sigurisht, Rangersi po vlerësohet favorit për shërbimet e tij dhe te skuadra skoceze po shpresojnë që me ofertën finale ta bindin Rapidin në lirimin e Rrahmanit.
Rrahmani këtë sezon ka shënuar 1 gol në 2 paraqitje kampionale për Rapidin, ekip me të cilin ka kontratë deri në verën e vitit 2026.
Ai verën e shkuar u transferua te Rapidi nga Ballkani i Suharekës për 600 mijë euro, ndërsa ka edhe 4 ndeshje të luajtura për Kombëtaren e Kosovës.
