Sipas Haradinajt qytetarët e Kosovës janë në një situatë të vështirë ekonomike e sociale, shtrenjtimi i artikujve elementarë për jetesë ka shtyer shumë kategori që të përballen me mbijetesën ekonomike, shkruan Tëvë1.info
“Prandaj e konsideroj si hap të parë urgjent, aprovimin e një vendimi që lejon qytetarët të tërheqin një përqindje të caktuar të mjeteve nga trusti pensional”, ka thënë Haradinaj.
Tutje Haradinaj ka theksuar se situata është e jashtëzakonshme, prandaj vendimet duhet të jenë të jashtëzakoshme.
Qëndrimi i plotë i Haradinajt:
Të lejohen qytetarët që të tërheqin mjete nga Trusti
Qytetarët në Kosovë janë në një situatë tejet të vështirë ekonomike e sociale. Shtrenjtimi i artikujve elementarë për jetesë, ka shtyer shumë kategori që të përballen gjithnjë e më shpesh me mbijetesën ekonomike. Prandaj e konsideroj si hap të parë urgjent, aprovimin e një vendimi që lejon qytetarët të tërheqin një përqindje të caktuar të mjeteve nga trusti pensional. Situata është e jashtëzakonshme, prandaj edhe vendimet duhet të jenë të jashtëzakonshme. Natyrisht krahas kësaj mase, qeveria duhet të mendojë edhe për masa të tjera, në këtë kohë vështirë të përballueshme për qytetarët.
Ramush Haradinaj, kryetar i AAK-së
