Kryetari i Aleancës për Ardhmërinë e Kosovës, Ramush Haradinaj ka përkujtuar Agim Ramadanin në 23 vjetorin e rënies së tij.
Haradinaj ka thënë se Agim Ramadani ishte luftëtar, artist e shkrimtar, duke thënë që Kosovës ia kushtoi tërë kapacitetin e tij njerëzor dhe intelektual e në fund Kosovës ia fali edhe jetën, shkruan teve1.info
“Kujtojmë sot trimat e Ushtrisë Çlirimtare të Kosovës, që krahas komandant Katanës do të kujtohen përherë si Heronjtë e thyerjes së kufirit mes shqiptarëve, Abush Loku, Arben Jusufi, Bashkim Jasiqi, Ramiz Krasniqi, Rifat Çelaj, Driton Veliu, Emri Curri, Harun Beka, Rifat Salihaj, Rrahman Tafa dhe Sylejman Shala”, ka shkruar kryetari i AAK-së
“Liria do të jetojë deri sa të kujtojmë ata që u sakrifikuan në themelet e saj. Lavdi”, shtoi ai.
