Paris Saint-Germaini ka kompletuar transferimin e sulmuesit Gonçalo Ramos, të cilin e ka prezantuar të hënën mbrëma.
Në fakt, Parisi e ka huazuar Ramosin për një vit nga Benfica, me të drejtën e blerjes së kartoni të tij verën tjetër për 50 milionë euro.
22-vjeçari ka insistuar se Parisi është njëri prej klubeve më të mëdha në botë dhe se ndihet i nderuar që do ta bartë fanellën e këtij ekipi për edicionin 2023/24. Ramos është zhvilluar si lojtar te Benfica, ndërsa me ekipin e parë ka debutuar në vitin 2020.
Edicionin e shkuar, ai tregoi formë fantastike, ku shënoi 27 gola dhe asistoi 12 herë në 47 paraqitje në të gjitha garat për Benfican. Ramos, gjithashtu ka edhe 7 gola në katër ndeshje të luajtura për Portugalinë. Ai te Portugalia debutoi në nëntor të vitit të shkuar.