Mesfushori Arbnor Ramadani ka vazhduar bashkëpunimin me skuadrën e Llapit, gjë që është zyrtarizuar të hënën.
Ekipi nga Podujeva, ka bërë të ditur se Ramadani ka firmosur kontratë trevjeçare për ti qëndruar besnik Llapit.
Në njoftimin e Llapit thuhet se Ramadani preferoi qëndrimin te Llapi, përkundër ofertave që i kishte nga skuadrat tjera.
Kështu që, Ramadani do të vazhdon të jetë 10-shi i Llapit dhe një shtyllë e rëndësishme e mesfushës për ekipin e trajnerit Tahir Batatina.
Krahas Llapit, Ramadani karrierë në Kosovë ka bërë edhe te Gjilani e Drita.
