Ish-kryeinspektori i Agjencisë së Kosovës për Inteligjencë, Burim Ramadani vlerëson se me veprimet e fundit Serbia e ka minuar dhe dëmtuar në mënyrë direkte demokracinë e Kosovës.
“Prezenca ndërkombëtare në Kosovë qofshin diplomatike apo e sigurisë e kanë rolin dhe rëndësinë jashtëzakonisht të madhe porse një argumentim gjithëshoqëror i institucioneve të Kosovës dhe i shoqërisë kosovare për dëmtimin, minimin dhe ndërhyrjen direkte kundër demokracisë në Kosovë, besoj që është jashtëzakonisht i nevojshëm të ndodhë në secilin shtet të NATO-s, BE-së, në mënyrë që në aspekte profesionale edhe institucionale kjo të evidentohet”, ka thënë Ramadani.
I ftuar në Info Nata në Tëvë 1, ai thotë se institucionet duhet të kërkojnë sanksionimin e presidentit serb.
“Normalisht që evidentohet edhe nga partnerët veç e veç, porse interesat e caktuara ndonjëherë mund të mos i japin priroritetin që është i nevojshëm, përndryshe ne do të duhej ta mbyllnim edhe Ministrinë e Jashtme e të themi që janë ndërkombëtarët këtu. Pra po mendoj vendosja në priroitet e rujtjes dhe promovimit të demokracisë është detyrë e institucioneve të Kosovës edhe e shoqërisë në tërësi që në promovim të demokracisë ta kërkojmë sanksionimin e Vuçiqit në listë të zezë për minimin që po i bën demokracisë në Kosovë”, ka thënë ai.
