Ish-kryeinspektori i AKI-së, Burim Ramandani ka publikuar një dokument, i cili thotë së është Draft-Statuti për Asociacionin.
Ai thotë së ky është saktësisht Draft-Statuti që i është dhënë kryeministrit, Albin Kurti.
Sipas Ramadanit ky Draft-Statut është më ndryshe nga ai i kryeministrit të Shqipërisë, Edi Ramës, edhe më ndryshe nga ai i FES-it, dhe shumë më ndryshe nga ai i Serbisë.
“Nëse ky dokument do të mund të ndryshohet – vështirë të thuhet, por ajo që besoj unë është që Kosova duhet të fitojë diçka seriozisht të madhe si parakusht për zbatim të këtij dokumenti. Sepse, ky Draft-Statut është shumë i gjerë dhe i thellë. Serioz në kompetencat që ia atribuon Asociacionit, por mbi të gjitha shumë serioz në mundësinë që ia jep Serbisë që të funksionojë brenda Kosovës. Dhe kjo sidomos në arsim dhe shëndetësi, kujdes social, në financim dhe donacione, e të ngjashme”, ka shkruar ai në Facebook.
Ai tha që po tenton të mos ta komentojë Draft-Statusin, shkruan teve1.info
“Po tentoj që të mos komentoj Draft-Statutin, sepse kam bindjen se ky Draft-Statut do të jetë një prej debateve të pashterrshme në Kosovë për një kohë më të gjatë.Tek e fundit, ka ekspertë të fushës juridike dhe të qeverisjes lokale që mund të komentojnë me më shumë kompetencë. Por, mbi të gjitha, është Gjykata Kushtetuese ajo që do ta jep verdiktin nëse ky Draft-Statut është në përputhje me Kushtetutën, në germë dhe frymë, apo nuk është i tillë”, shkroi ai tutje në postim.
Ramadani tha se Draft-Statutin e plotë do ta publikojë së shpejti në ueb faqen e tij.
