Ylber Ramadani ka gjasa që të paktën edhe sezonin e ardhshëm të jetë pjesë e skuadrës së Lecces, e cila bën gara në Serie A të Italisë.
Mediumet italiane kanë raportuar se javët në vazhdim janë të rëndësishme për vazhdimin e bashkëpunimit mes Ramadanit dhe Lecces, ekip që ende nuk e ka aktivizuar opsionin e rinovimit.
Ramadani ka kontratë me Leccen deri në fund të këtij sezoni kurse ka të përfshirë edhe mundësinë e vazhdimit për një vit tjetër, por që ende asgjë nuk është zyrtare.
Palët do të ulen për të negociuar dhe Lecce është gati t’ia vazhdojë Ramadanit kontratën, pasi mesfushori i Shqipërisë vlerësohet lart në klub.
29-vjeçari është pjesë e Lecces prej vitit 2023 kur iu bashkua nga Aberdeeni i Skocisë, ndërsa këtë sezon ka 16 paraqitje në total, ku 15 prej tyre i ka në Serie A të Italisë.
