Trajneri i Dritës Zekirija Ramadani, para derbit ndaj Gjilanit, që luhet të mërkurën ka folur në një konferencë për gazetarë për rëndësinë e ndeshjes e mbi të gjitha formën e Dritës.
Drita është lidere e Superligës, me 54 pikë, pas 25 xhirove, 11 më shumë se Ballkani i vendit të dytë.
” Nesër është derbi i qytetit, derbi më i zjarrtë në Kosovë, por për ne përveç derbit ne kemi objektivin kryesor dhe ai është titulli kampion dhe për të arritur deri aty duhet të mposhtim çdo skuadër. Kam parë një atmosferë të jashtëzakonshme në grup, më pozitive gjatë periudhës së pauzës të kombëtareve dhe shpresoj që kjo atmosferë të ndikojë edhe nesër që përballë rivalëve tanë të zhvillojmë një lojë agresive dhe mjaft të mirë”,ka thënë fillimisht Ramadani.
“Formulën Drita e ka që nga dita e parë dhe ne nuk përshtatemi ndaj asnjë kundërshtari. Ne i kemi lojën tonë, idetë tona që i punojmë çdo stërvitje dhe ne nuk ndryshojmë përballë asnjë kundërshtari.”
Ndeshja e xhiros së 26-të Drita – Gjilani zhvillohet nesër e enjte, ora 14:00 në Stadiumin Sintetik (te rrethi).
