Në mesin e disa shteteve të cilat votuan kundër pranimit të aplikimit të Kosovës në KiE, ishte edhe Hungaria.
E një situatë të tillë, ish-krye inspektori i AKI-së, Burim Ramadani, e quajti dështim të Kosovës, e jo fitore të Serbisë.
“Votimi i Hungarisë kundër aplikimit të Kosovës në KiE, është dështim i Kosovës, jo fitore e Serbisë. Sepse, Kosova ka ambasadë në Hungari, Hungaria ka ambasadë në Kosovë. Kjo tregon se Kosova fatkeqësisht ka fjetur në diplomaci. Rruga e Kosovës është shumë më e shpejtë për anëtarësim në NATO, se sa për anëtarësim në Bashkimin Evropian. Rruga e Kosovës për NATO, ofron shumë më shumë siguri nacionale, se sa në organizata tjera”, deklaroi Ramadani në emisionin “Infonata”.
Ndërkaq, sa i përket marrëveshjes së dakorduar në Ohër, Ramadani vlerësoi se Serbia s’do të jetë assesi e kënaqur me këtë marrëveshje.
“Synimi i saj është ndarja territoriale e Kosovës”, theksoi tutje Ramadani në Tëvë1.
Megjithatë, Kosova e ka kaluar me sukses fazën e parë të anëtarësimit në Këshillin e Evropës./teve1.info/.