Ramadan Nishori ka rrëfyer publikisht përjetimin e dhunimit seksual gjatë kohës së luftës në shtator të vitit 1998, si 22-vjeçar.
Ai duke u bërë burri i parë që rrëfen për dhunën seksuale të kryer nga policë e ushtarë të Serbisë, ka treguar për gjendjen psikike në të cilën ishte.
Nishori ka thënë se rrëfimi i Vasfije Krasniqit e cila po ashtu kishte përjetuar dhunë seksuale ishte motiv për ta bërë një gjë të tillë.
“M’vijke me kajt, më bërtitë. Natën iksha prej shtëpisë se turpi ishte më i madh se dhimbja. Tu menu se dikush mundet më kuptu se çka m’ka ndodhë, kena ardhë me jetu me qira më gruan dhe vajzën e vogël në Fushë Kosovë. Më pas shkuam në Mal të Zi. Mora familjen dhe shkova. Po aty shumë më mundojke gjuha e tyre. Kshtu që, e mora familjen edhe u kthym prapë n’Kosovë. Një natë e pashë Vasfije Krasniqin t’u rrëfy. I mora shume lakmi”, ka thënë ai.
