Profesori, Sadri Ramabaja, e ka mirëpritur draft-statutin që e ka publikuar ish-kryeinspektor i AKI-së, Burim Ramadani, si dhe beson 99 për qind që është drafti që i është dhënë kryeministrit të Kosovës, Albin Kurti.
Ramabaja, thotë se sa i përket draft-statutit për Asociacionin, ka një hatër mbetje mes ekspertëve në mënyrën e interpretimit.
“Unë e kam përshëndetur publikimin e draft-statutit që e bëri Burim Ramadani, besoj pothuajse 99 për qind që ai është draft-statuti. Unë e kam koleg Jusufin kështu që… është interpretim i gabuar në rrafshin politik, në rrafshin juridik kanë folur një pjesë e mirë e ekspertëve te ne. Ju keni vënë re që ka një hatër mbetje mes ekspertëve dhe nuk bëjnë interpretimin sipas parimit thjesht shkencor, por sipas hatër mbetjeve politike dhe këtu kemi telashe të jashtëzakonshme. Po të njëjtit jurist që ndryshimet kushtetuese vitit 1989 atëherë i arsyetonin, tash dalin si patriotët më të mëdhenj dhe bëhen nacionalist ekstrem”, tha ai në emisionin “Info Nata” në Tëvë1.
Ramabaja për Kurtin thotë se vënë taktikën në shërbim të strategjisë.
“Te Albini kemi një fenomen tjetër, ai e vënë taktikën në shërbim të strategjisë. Të jesh ti në dialog përballë me dy miq më të mirë të Vuçiqit siç është Lajçak dhe Borrell, sidomos Lajçaku dhe të mos e taktizosh deri në ekstrem si… de-facto ka vepruar Kurti, sidomos me marrëveshjen e Brukselit, sepse edhe këshilltarët më të ngushtë të Vuçiqit ishin të dezinformuar në atë mbrëmje, unë kam atë gjykimin tim që se ata mund të jenë dezinformuar edhe nga këshilltarët që i kanë këtu në Prishtinë se Albini Kurti nuk do ta pranojë marrëveshjen e Brukselit, prandaj ai ka insistuar që të mos e pranojë”, shtoi ai./teve1.info/
