Kryeministri i Shqipërisë, Edi Rama ka ndarë një video që përmban një pjesë të telefonatës me ish-presidentin e Kosovës, Hashim Thaçi.
Rama dëgjohet duke e uruar Thaçin për 18-vjetorin e Pavarësisë së Kosovës.
“Gëzuar pavarësinë edhe ty komandant”, dëgjohet duke thënë ai, ndërsa Thaçi nis t’i flasë.
Rama i thotë edhe se është shqetësuar “me këtë histori”.
“Vëllai im, të përqafoj fort, të du shumë. Më vjen keq që s’bëj dot më shumë po… gëzuar dhe të përqafoj shumë fort dhe të fala atyre shokëve”, dëgjohet duke i thënë Rama – Thaçit.
Rama e përshkroi telefonatën si të vështirë emocionalisht, ndërsa në përshkrimin e videos tregoi disa nga fjalët e Thaçit.
“Prej vitesh telefonata e urimit të 17 shkurtit nga Haga është e vështirë emocionalisht, por sot Komandanti ishte si asnjëherë i qetë në zërin e tij, duke ma përsëritur dy herë, në fillim e në fund, “Unë e kam fituar përjetë lirinë dhe kudo të ndodhem atë nuk ma merr dot kurrë askush!”, ka shkruar Rama./teve1.info/
