Kryetari i Prishtinës, Përparim Rama, ka uruar përzemërsisht Lumir Abdixhikun, pasi që u rizgjodh kryetar i Lidhjes Demokratike të Kosovës.
Rama është shprehur i bindur që Abdixhiku do të realizojë vizionin e tij.
“Urime të përzemërta Lumir Abdixhiku për rizgjedhjen si Kryetar i Lidhjes Demokratike të Kosovës! Jam i bindur se do të realizoni vizionin tuaj për një shoqëri më të mirë, ekonomi më të fortë dhe përparim në çdo fushë të jetës”, ka shkruar Rama në Facebook.
Abdixhiku u rigjodh kryetar me votën e 333 delegatëve që ishin të pranishëm dje në Kuvendin zgjedhor.
