Kryetari i Prishtinës, Përparim Rama u ka bërë apel qytetarëve që të kenë kujdes gjatë vozitjes, shkak i reshjeve të mëdha të borës.
Në një postim në Facebook, Rama ka njoftuar se po punohet pa ndërprerë për të pastruar rrugët.
“Edhe pse Kryeqyteti po punon pa ndërprerë për të pastruar rrugët është e rëndësishme që të kujdesemi për sigurinë tonë dhe të tjerëve. Ju lutem kujdes, ruani distancën e sigurt në rrugë. Çdo rast rreziku raportoni në Qendrën Operative Emergjente të Kryeqytetit në numrat: 0800 122 33 ose 0800 122 44”, ka shkruar ai.