Kryetari i Komunës së Prishtinës, Përparim Rama, e ka pritur në takim raportuesen për Kosovë në Parlamentin Evropian, Viola von Cramon.
Kështu ka bërë të ditur Rama përmes një postimi në Facebook, teksa ka shkruar se gjatë takimit, ata kanë diskutuar për çështje të rëndësishme të pushtetit lokal, të zhvillimit të projekteve nga fondet e BE-së, për vizionin për kryeqytetin si dhe bashkëpunimin e Prishtinës me qytetet e vendeve tjera të botes demokratike, përcjell teve1.info.
“Në diskutimet tona u fokusuam në çështje si: Zhvillimi i qëndrueshëm dhe mbrojtja e mjedisit si dhe rritja e mundësive ekonomike dhe përmirësimi i infrastrukturës. Eurodeputetja Von Cramon shprehu mbështetjen e saj të plotë për iniciativat dhe projektet tona për transformimin e Prishtinës, duke theksuar rëndësinë e bashkëpunimit mes nesh”, thuhet në postimin e Ramës./teve1.info/.
