Kryetari i Komunës së Prishtinës, Perparim Rama është takuar me kryetarin e Sofjes, Vassil Terziev, me ç’rast ata u dakorduan për të forcuar lidhjet ndërmjet qyteteve përmes shkëmbimit të ideve.
Rama tha se në këtë takim po ashtu u diskutua për intensifikim të bashkëpunimit në fushën e teknologjisë dhe kulturës.
“Biseduam rreth intensifikimit të bashkëpunimit në fushat e teknologjisë dhe kulturës. U dakorduam të forcojmë lidhjet ndërmjet qyteteve tona përmes shkëmbimit të ideve, duke kaluar përtej dallimeve politike partiake”, ka shkruar ai në Facebook.
Më tej, Rama njoftoi se me Terziev folën edhe për rolin e qyteteve si qendra të ardhshme të inovacionit.
