Kryeministri i Shqipërisë, Edi Rama i është përgjigjur kompanisë kineze të Tik-Tok-ut e cila ka kërkuar sqarime për mbylljen e këtij rrejti social për një vit në Shqipëri.
Rama në një reagim në X, ka thënë se kjo kompani nuk ka çfarë kërkon sqarime, sespe në Shqipëri vendosin qytetarët e saj.
“Tik Tok-u nuk ka çfarë sqarimesh kërkon nga Shqipëria, sepse në Shqipëri vendosin shqiptarët jo pronarët e algoritmit të TikTokut.Ndërsa, Shqipëria është shumë e vogël për t’i kërkuar Tik Tok-ut të mbrojë fëmijët dhe rininë nga humnerat e frikshme të algoritmit të tij, por uron që Tik Tok-u ta bëjë këtë për të mirën e të gjithë njerëzimit, përfshirë edhe Shqipërinë.Të thuash se vrasja e nxënësit adoleshent s’ka lidhje me Tik Tok-un, sepse konflikti nuk qenka gjeneruar nga Tik Toku do të thotë të mos kesh kuptuar as seriozitetin e kërcënimit që ajo plaftormë ka sjellë për fëmijët dhe rininë e kësaj kohe, as fillin e arsyetimit të vendimit tonë për të marrë përgjegjësinë e reagimit ndaj atij kërcënimi”, ka thënë Rama ndër të tjera.
Shqipëria vendosi të shtunën që ta mbyllë Tik-Tok-un për një vit, pas vrasjes së një adoleshenti që ndodhi javë më parë nga bashkëmoshatar të tij.
Mbyllja e TikTok-ut në Shqipëri, reagon kompania kineze: Presim sqarime urgjente
