Kryetari i Prishtinës, Përparim Rama, ka shënuar ditën e parë të pranverës përmes një aktiviteti simbolik me fëmijët e kryeqytetit, duke mbjellë lule në hapësira publike.
Ai theksoi se iniciativa të tilla ndikojnë në kultivimin e ndjenjës së përgjegjësisë dhe kujdesit për ambientin e përbashkët, sidomos tek gjeneratat e reja.
“Urime dita e parë e Pranverës! Bashkë me fëmijët e kryeqytetit kemi mbjellë lulet e para për këtë sezon. Kjo, përveç tjerave, është zhvillim i kulturës së të përbashkëtës dhe kujdesit për hapësirën publike. Fëmijët duhet me u rrit duke e ditë që hapësira publike është e përbashkët. Ajo është e jona, prandaj duhet me e mbrojt, me u kujdes për të dhe me e respektu çdo ditë”, ka shkruar Rama./teve1.info/
