Kryetari i Komunës së Prishtinës, Përparim Rama ka bërë të ditur se po hedhen hapat e parë të krijimit të dy hapësirave kulturore të kryeqytetit, Sallën Koncertale e Muzeun e Artit.
Rama në Facebook tha se gjatë takimit me arkitektin e njohur botëror, Kengo Kuma, kanë diskutuar detajet e fundit për realizimin e këtij projekti tjetër të madh drejt transformimit të Prishtinës.
“Gjatë takimit me arkitektin e njohur botëror, Kengo Kuma, diskutuam detajet e fundit për realizimin e këtij projekti tjetër të madh drejt transformimit të Prishtinës. Arkitektura unike e ndërtesës ikonë të Kryeqytetit, do të ruhet tërësisht si pjesë e trashëgimisë sonë. Por në të njëjtën kohë ne do të krijojmë një Sallë Koncertale e Muze të Artit super modern”, tha ai.
Tutje i pari i kryeqytetit tha se janë duke e realizuar një kërkesë të kamotshme të artistëve dhe se premtimin e tij po e bënë realitet.
“Ne po realizojmë një kërkesë të kahmotshme të artistëve tanë, që të kenë një ambient të përshtatshëm ku do të mund të shprehin artin e tyre, në kushte shumë më të favorshme, ashtu siç do të bëjnë artistët me renome botërore.E kam premtuar dhe po e bëjë realitet”, tha Rama./teve1.info./
