Rama ka thënë se ju qëndron 100% të dyja deklaratave.
“Janë ca kinse patriotë më të mëdhenj se të tjerët e disa kinse të zgjuar më shumë se të tjerët, që fjalëve të mia sot u kundërvihen me postimet e mia dikur për Xherdanit e Granitit! U qëndroj 100% të dyjave dhe ata që nuk duan ta kuptojnë psenë nuk kam se si i ndihmoj”, ka shkruar Rama në Twitter.
Ky reagim i tij erdhi pasi në media ju publikua statusi që kishte bërë në vitin 2018 pas ndeshjes Zvicër – Serbi në vitin 2018, pas deklaratës që bëri për ndeshjen e së premtes ndërmjet dy kundërshtarëve të njëjtë si para katër vjetëve dhe fitores së Zvicrës.
Rama për këtë ndeshje tha se Xhaka e Shaqiri po përdoren si “mish për top”.
“Nuk kuptoj realisht pse duhet të flisja, nuk jam kryeministër i Zvicër, jam kryeministër i Shqipërisë, dhe nëse do të ndaja nga skuadra kombëtare dy qytetarë zviceranë që janë shqiptarë të cilët ne i shohim me dashuri dhe simpati të madhe që të gjithë, për një ndeshje të veçantë, çfarë do të bëja konkretisht, do t’i përdorja ato figura për politikë.” – tha ndër të tjera Rama.
Deklarata e tij u interpretua si një reagim ndaj kryeministrit të Kosovës, Albin Kurti, i cili pas ndeshjes kishte shkruar “ Serbia nuk kalon” duke e ilustruar me një fotot të Shaqirit dhe Xhaksës.
Zvicëra të premten mposhti Serbinë me rezultat 2:3 në kuadër të kampionatit botëror që Zvicrës i siguroi kalimin e 1/8 e finales.
Në këtë ndeshje Xherdan Shaqiri shënoi një gol dhe bëri një asistim dhe paraqitje të lartë pati edhe Granit Xhaka./teve1.info/
Janë ca kinse patriotë më të mëdhenj se të tjerët e disa kinse të zgjuar më shumë se të tjerët, që fjalëve të mia sot u kundërvihen me postimet e mia dikur për 👐 e Xherdanit e Granitit! U qëndroj 100% të dyjave dhe ata që nuk duan ta kuptojnë psenë nuk kam se si i ndihmoj🤷🏻♂️ pic.twitter.com/9pzH1hw4J6
— Edi Rama (@ediramaal) December 4, 2022
