Ai ka thënë se veprime të tilla nuk kanë vend në kryeqytet.
Rama tha se sporti ka të bëjë me shpirtin garues dhe frymën e tolerancës.
“Dhuna e shfaqur mbrëmë në ndeshjen KB Prishtina – KB Trepça është e papranueshme dhe nuk ka vend në kryeqytet, e askund tjetër! Jemi të lumtur që KB Prishtina fitoi superkupën mbrëmë, mirëpo nga dhuna e shfaqur u zbeh edhe gëzimi për fitoren e merituar. Sporti ka të bëjë me shpirtin garues në frymë tolerance e respekti reciprok, prandaj u bëj thirrje edhe tifozëve që ta kultivojnë një frymë të tillë”, ka shkruar Rama.
Katër pjesëtarë të Policisë së Kosovës janë lënduar mbrëmë si pasojë e dhunës së tifozëve.
Këto ngjarje i ka dënuar edhe ministri i Kulturës, Hajrulla Çeku. Pas ngjarjes së mbrëmshme ai ka bërë të ditur se të hënën do të mblidhet Këshilli për parandalimin e dhunës në sport./teve1.info/
https://teve1.info/lajmet/kater-police-te-lenduar-ne-ndeshjen-e-basketbollit-ceku-i-quan-akte-te-turpshme/