Kryetari i Prishtinës, Përparim Rama, ka pritur të enjten në Odën e Kryeqytetit ambasadorin e ri të Republikës Federale të Gjermanisë, Rainer Rudolph.
Përmes një postimi në Facebook, Rama bëri të ditur se i ka uruar suksese ambasadorit në misionin e tij diplomatik, duke theksuar se Prishtina mbetet e gatshme për të thelluar bashkëpunimin me institucionet gjermane.
Ai ka shtuar se Gjermania mbetet një partner kyç për zhvillimin e Kosovës dhe Kryeqytetit.
“Mirëprita në Odën e Kryeqytetit ambasadorin e ri të Republikës Federale të Gjermanisë, Rainer Rudolph. I urova suksese në misionin e tij dhe shpreha gatishmërinë për të thelluar bashkëpunimin mes Prishtinës dhe institucioneve gjermane. Gjermania mbetet një partner kyç për zhvillimin e Kosovës dhe Kryeqytetit,” ka shkruar Rama.
