Kryetari i Prishtinës, Përparim Rama, ka pritur të martën në takim Presidentin e Shqipërisë, Bajram Begaj, i cili po qëndron në Kosovë për një vizitë dyditore.
Gjatë takimit, Rama ka theksuar se bashkëpunimi ndërmjet Prishtinës dhe Tiranës do të zgjerohet edhe më tej, duke u përqendruar në projekte zhvillimore dhe iniciativa që forcojnë lidhjet mes dy kryeqyteteve.
“Me fillimin e mandatit tim të ri si Kryetar i Prishtinës, e mirëprita Presidentin e Shqipërisë, Z. Bajram Begaj, në Odën e Kryeqytetit. Ky ishte një fillim simbolik që pasqyron drejtimin tonë të përbashkët. Bashkëpunimi mes Prishtinës dhe Tiranës do të forcohet edhe më tej, në projekte që zhvillojnë qytetin dhe forcojnë lidhjet tona”, ka theksuar Rama.
