Kryetari i Prishtinës dhe kandidati për një mandat të ri, Përparim Rama, ka premtuar investime të reja në lagjen Dardania.
Në një postim në Facebook, ai njofton se pas përfundimit të punimeve në Tunel, po vazhdojnë me sanimin e problemeve të trashëguara nga qeverisjet e mëparshme.
Sipas tij, do të përfundojë fasadimi i banesave dhe riparimi i ashensorëve.
“Era e burekut tani mbetet vetëm në Burektore, jo më në Tunel. Në Tunel të Kurrizit s’ka më erë bureku, vetëm investime serioze! Pas përfundimit të punimeve në Tunel, po vazhdojmë me zgjidhjen e problemeve të trashëguara në pllato. Nuk do të ketë më pika uji poshtë, do të përfundojmë fasadimin e banesave, rregullimin e liftave dhe do të rikthejmë pamjen ikonike që ky kompleks e meriton. Dardania po kthehet aty ku i takon. Ndërkohë, bureku i Bosnjës vazhdon të jetë fantastik”, ka thënë ai në një videomesazh në Facebook.
