Rama deklaroi sot në Kuvend se raportit të Dick Marty-t ia ka hapur rrugën PD me votën në Këshillin e Europës.
Ai iu drejtua opozitës duke i thënë se ia kanë ngulur thikën Kosovës dhe ish-presidentit të Kosovës, Hashim Thaçit, dhe se UÇK-në e kanë quajtur terroriste
“Raport i Dick Marty, zanafilla e këtij raporti është vota e PD-së në Këshillin e Europës. Dick Marty-t ja keni hapur rrugën ju. Thikat që i keni ngulur Kosovës, nga dita e parë duke masakruar Ushtrinë Çlirimtare të Kosovës, si terrorist, si marksist-leninist deri ë ditën e fundit, duke iu ngulur thikën në gjoks presidentit të Kosovës, ju nuk i mbuloni dot. Historia do t’i tregojë se ju patriotët e mëdhenj jeni thika në shpinën e Kosovës. Kështu do mbeteni se bishti i shtrembër nuk drejtohet”, u shpreh Rama.
Rama ka përmendur edhe Srebrenicën, duke akuzuar opozitën që nuk ata nuk lidhje me Srebrenicën.
“Zgjoheni në vitin 2022 dhe kujtoheni për Srebrenicën. S’keni lidhje ju fare me Srebrenicën. Jeni gati t’i rizhvarrosni edhe një herë dhe t’i rifusni nga e para në varrin masiv ata atje, për t’iu thënë që socialistët nuk duan. Ju jeni gati ta bëni lëmsh edhe një herë nga e para politikën ndërkombëtare të Shqipërisë, për të ardhur këtu dhe për të shitur dënglat”, tha Rama.
“Këta jeni ju, u miratua rezoluta për Srebrenicën, u miratua, por kur. Atëherë kur ishte Dita e Srebrenicës, s’keni ç’i bëni gomarit mbrapa këtu dhe vini t’i bini samarit dhe për samar përdorni Kosovën”, shtoi ai./teve1.info/
