Kryministri i Shqipërisë, Edi Rama i cili ndodhet në Madrid për një vizitë dy ditore në një intervistë me gazetën “El mundo” ndër të tjera ka folur për zgjedhjet në Kosovë.
I pyetur se çfarë rezultatesh pret nga këto zgjedhje, Rama ka thënë se nuk ka asnjë preferencë me fituesin, pasi me të gjithë kandidatët ka një marrëdhenie të mirë.
“Kosova është një vend demokratik, i gjallë dhe i larmishëm. Dhe, si të gjitha vendet e Ballkanit, lufton me gjithë pasion dhe shumë zhurmë, por kjo është në rregull. I uroj për mirë, por nuk kam asnjë preferencë për rezultatet e zgjedhjeve. Unë jam një mik dhe i respektoj të gjithë”, ka deklaruar Rama./TopChannel
