Kryeministri i Shqipërisë, Edi Rama, në një video mesazh në faqen e tij zyrtare “Facebook” lajmëroi se së shpejti do të hapet në Korçë qendra e parë turistike e skive në vendin tonë.
Kreu i qeverisë shkruan se rreth gjysmë milionë vizitorë e turistë kalojnë të paktën 1 natë në “Parisin e vogël” gjatë vitit.
“Këtë dimër, si asnjë dimër 160 bujtina, njëra më e bukur se tjetra, plot e përplot çdo fundjavë, rreth gjysmë milionë vizitorë e turistë që kalojnë të paktën 1 natë në Parisin e vogël gjatë vitit. 1 dekadë më parë nuk kishte këmbë të huaji, ndërkohë që bujtinat numëroheshin me gishta dhe mezi mbanin veten”, u tha Rama.
Duke shtuar se “tani i ka ardhur radha qendrës së parë turistike të skive në Shqipëri dhe se ky projekt do e vendosë Korçën në hartën europiane të turizmit të skive-vijon të thotë ai.
Kryeministri theksoi gjithashtu se do të ndezë një motor të ri me shumë kuaj fuqi në ekonominë e të gjithë qarkut.
“Tani i ka ardhur radha qendrës së parë turistike të skive në Shqipëri, projekt që do ta fusë Korçën në hartën europiane të turizmit të skive dhe do të ndezë një motor të ri me shumë kuaj fuqi në ekonominë e të gjithë këtij qarku, ku lidhjet e rilindura rrugore me Kolonjën dhe Përmetin kanë sjellë vlerë të shtuar në paketën e bukur turistike të kësaj zone. Mirë e më mirë dhe më e mira ëshgtë e gjitha përpara për Korçën dhe gjithë Shqipërinë”, përfundon mesazhin e tij, kreu i qeverisë Edi Rama.
