Kryetari i Prishtinës, Përparim Rama ka njoftuar se nga 17 marsi të gjithë qytetarët nga të gjitha qytetet e Kosovës që udhëtojnë me autobusë, biletën e njëjtë do të kenë mundësi të inkorporojnë në transportin publik gjithëditur në kryeqytet.
Ai ka thënë se ky vendim është pjesë e reformës së transportit publik.
Rama ka thënë se me organizimin e ri, kryeqyteti do të ketë më pak vetura, më pak trafik.
“Të gjithë udhëtarët që vijnë nga çdo qytet i Kosovës në “Stacionin e Autobusëve” në Prishtinë, njoftohen se, në biletën e tyre ndërurbane do të inkorporohet falas bileta gjithëditore për transportin urban në Kryeqytet! Ky vendim ndodh për herë të parë në historinë e transportit urban në Kryeqytet dhe është pjesë e reformës së transportit publik urban, që shënon një hap të madh në përmirësimin e shërbimeve publike. Vendimi hyn në fuqi nga sot, më datë 17.03.2025”, ka shkruar Rama.
