Rama përmes një njoftimi në Facebook, tha se kjo qendër do të promovojë elementet e një sistemi dual të arsimit dhe aftësimit profesional dhe do të kontribuojë në zhvillimin e shkathtësive në fushën e TIK-ut, dhe përgatitjen e studentëve për tregun e punës.
“Qendra ka për synim të jetë një institucion lider në Kosovë dhe të përkrahë zhvillimin e arsimit në TIK në nivel kombëtar. Modeli i saj i qeverisjes do të përfshijë fusha që sigurojnë kualitet, zhvillim të kapacitetit të stafit menaxhues dhe mësimdhënës, shërbime të ndryshme shkollore, bashkëpunime ndërkombëtare, sisteme të ndryshme menaxhimi dhe Qendrën për Zhvillim dhe Trajnim për Ndërmarrësi”, shkroi Rama.
I pari i kryeqytetit tha se kjo qendër do të financohet nga Dukata e Madhe e Luksemburgut dhe Komuna e Prishtinës, në bashkëpunim me qeverinë e Kosovës, dhe sipas tij qendra do të akomodojë 192 studentë të disa profileve.
