Kryeministri i Shqipërisë Edi Rama, gjatë fjalimit të tij ka rikujtuar momentin e fillimit të bombardimeve kundër caqeve serbe, më 24 mars të vitit 1999.
Ai ka kujtuar momentin kur në atë kohë presidenti i ShBA-së Bill Clinton, e kishte autorizuar ushtrinë amerikane për të nisur bombardimet.
“Ne shqiptarët kemi pasur privilegjin ta përjetojmë në lëkurën tonë forcën rrënqethëse të presidentit Bill Clinton në mbrëmjen e 24 marsit të vitit 1999, ku ai iu drejtua Amerikës dhe botës: ‘Sot unë autorizoj, forcat amerikane për nisjen e një fushate serioze të bombardimeve kundër forcave serbe, përgjegjëse për brutalitetin në Kosovë’”, tha Rama.
Rama foli edhe për diplomacinë e Clintonit në çlirimin e Kosovës.
“E majta ideologjike në perëndim të Evropës shihte tek Slobodan Millsoheviq një viktimë potenciale të imperializmit amerikan dhe jo një xhelat të pashpirt të popullit të dhunuar të Kosovës, presidenti Clinton nuk do të kishte gjetur kurrë aleatët për shkrimin e historisë për çlirimin e Ballkanit Perëndimor nga diktatori i fundit, jo vetëm kryeministrin Blair, kryeministrin italian Massimo Dalema dhe atë socialist të Francës dhe së bashku me kryeministrin konservator të Spanjës, të cilat ishin pesëshja kyçe për arritjen e një suksesi më ta madh në politikën e jashtme amerikane, çlirimin e Kosovës, çeljen e një epoke të re”, tha ai.
