Kryeministri i Shqipërisë, Edi Rama, ka reaguar në lidhje me 24 vjetorin e Çlirimit të Kosovës.
Rama ka shkruar se e gjitha u arrit me ndihmën e aleatëve strategjikë, pa të cilët nuk do të kishte demokraci për shqiptarët në Kosovë.
Ai shkruan se pikërisht sot është dita për reflektim dhe për të nxjerrë Kosovën nga qorrsokaku ku e ka futur grindja absurde me aleatët.
“Si sot e gati çerek shekulli më parë, hyrja e NATO-s në Kosovë u rikujton të gjithëve, se pa aleatët strategjikë të shqiptarëve, miq të mirë në ditët më të këqija, s’do të kishte as Republikë të Kosovës, as liri e demokraci për shqiptarët në Kosovë! Zoti i bekoftë aleatët tanë! Prandaj bash sot është dita për të reflektuar thellë e për ta nxjerrë Kosovën nga qorrsokaku ku e ka futur grindja absurde me aleatët! Kosova duhet të dalë patjetër prej qorrsokakut me dialog jo me policë,me ide konkrete jo me propagandë, me miq të mirë jo me keqtrajtim të miqve!”, ka shkruar Rama në Twitter.
Si sot e gati çerek shekulli më parë, hyrja e NATO-s në Kosovë u rikujton të gjithëve, se pa aleatët strategjikë të shqiptarëve, miq të mirë në ditët më të këqija, s’do të kishte as Republikë të Kosovës, as liri e demokraci për shqiptarët në Kosovë! Zoti i bekoftë aleatët tanë! pic.twitter.com/bUWygIJrpK
— Edi Rama (@ediramaal) June 12, 2023
