Kryeministri i Shqipërisë, Edi Rama ka mirëpritur vazhdimin e marrëveshjes që mundëson eksportimin e drithërave ukrainase përmes porteve të shtetit në Detin e Zi.
Rama përmes një postimi në Twitter ka përgëzuar presidentin aktual të Turqisë, Rexhep Taip Erdogan për të cilin tha se kishte rol vendimtar.
“E mirëpres rinovimin e Iniciativës së Kokrrave të Detit të Zi edhe për dy muaj të tjerë. Unë përsëris urimet e mia për Erdogan për rolin e tij vendimtar. Sigurimi i një furnizimi të pandërprerë jetik të drithërave në tregjet botërore është me rëndësi kritike për sigurimin e sigurisë ushqimore në mbarë botën”, ka shkruar Rama në Twitter, përcjell teve1.info.
Erdogan të mërkurën njoftoi për zgjatjen e marrëveshjes për drithërat edhe për dy muaj.
Njoftimi i Erdoganit më 17 maj erdhi mes kërcënimeve nga Rusia se do të tërhiqej nga marrëveshja nëse nuk largoheshin pengesat e vendosura ndaj eksporteve të saj të drithërave dhe plehrave artificiale. Njoftimin për marrëveshjen Erdogan e bëri gjatë një fjalimi para anëtarëve të partisë së tij, AK, pasi anija e fundit u largua nga portet ukrainase, në bazë të marrëveshjes për drithërat.
I welcome the renewal of the Black Sea Grain Initiative for another two months. I reiterate my congratulations to @RTErdogan for his crucial role. Ensuring an uninterrupted vital supply of grain to the world markets is of critical importance to ensuring food security worldwide. pic.twitter.com/9rQUrPkJBh
— Edi Rama (@ediramaal) May 18, 2023