Kryetari i Komunës së Prishtinës, Përparim Rama ka reaguar ndaj sulmit të gazetarit, Valon Syla.
Ai në një postim në Facebook ka thënë se fjala e lirë është fundament i shoqërive të lira dhe kushdo që tenton ta ndalojë, ka për synim ta vrasë lirinë e mbarë një shoqërie, shkruan teve1.info
“I indinjuar nga sulmi ndaj Valon Sylës. Fjala e lirë është fundament i shoqërive të lira dhe kushdo që tenton ta ndalojë, ka për synim ta vrasë lirinë e mbarë një shoqërie. Prandaj, dënojmë ashpër dhunën e djeshme, ndërsa Valonit i urojmë shërim sa më të shpejtë!”, ka shkruar Rama.
Ndryshe, gazetari dhe analisti Valon Syla është sulmuar mbrëmë nga tre persona. Për pasojë, Syla ka pësuar lëndime të lehta në kokë.
Syla, i cili ishte pjesë e një emisioni debatues në lidhje me gjykimin e ish-krerëve të UÇK-së në Hagë, është sulmuar pak minuta pasi që ka dalë nga studioja.
