“Përkundër narrativave të ndara dhe vështirësive socio-ekonomike, partnerët tonë vendorë punojnë pa pushim në bashkimin e komuniteteve të Kosovës. Këtë e bëjnë përmes gjetjes së zgjidhjeve të përbashkëta për problemet e përbashkëta, duke krijuar kështu miqësi që shkojnë përtej kufijve të përkatësisë etnike dhe konfliktit,” tha PSSP Ziadeh.
Sot, UNMIK-u u shpreh mirënjohje këtyre kampionëve të ndryshimit duke sjell tek ju disa nga tregimet e tyre, siç është storja e vajzave të reja nga komunitetet dhe komunat e ndryshme, të cilat thyen stereotipet duke u shndërruar në yje të futbollit; një libër dygjuhësh për fëmijë që feston diversitetin dhe veprime kundër ndryshimeve klimatike; fqinjët e komuniteteve të ndryshme që përkrahin njëri-tjetrin përkundër shqetësimeve të kamotshme; ekipi i vajzave dhe grave që punojnë me të mbijetuarit/at e dhunës seksuale; lidhjet e krijuara mes artistëve; ekipi shumetnik i astronomëve që ia dha Kosovës observatoriumin e saj pas 35 vitesh; të rinjtë romë që aspirojnë përmirësimin e përfaqësimit në media dhe luftojnë keqinformimin dhe shumë e shumë të tjera.
Përmes këtij aktiviteti të intensifikuar ndërmjet njerëzve dhe promovimit të dialogut ndërkomunitar në terren, UNMIK-u vazhdon me përkrahjen e përparimit në diskutimet e nivelit të lartë politik, posaçërisht në dialogun e ndërmjetësuar nga BE-ja.
Në pesë vitet e fundit, ne kemi realizuar më shumë se 250 aktivitete programatike dhe projekte të ndërtimit të besimit në bashkëpunim me partnerët tonë implementues nga të gjitha komunitetet dhe komunat e Kosovës, duke kontribuar kështu me mbi 12 milionë $ në iniciativa të ndryshme të ndërtimit të besimit. Këto iniciativa në mes të tjerash janë fokusuar në fusha siç janë: shumëgjuhësia, qasja në drejtësi, sporti; mediat dhe adresimi i keqinformimit; TI-ja, arsimi, arti, të drejtat e njeriut, fuqizimi ekonomik, rinia; gratë, paqja dhe siguria; personat me aftësi të kufizuara dhe mjedisi.
