Instituti i Shëndetit Publik ka njoftuar se të prekurit me grip dhe coronavirus janë zbuluar mes janarit dhe fillimit të shkurtit, raporton TV Klan.
“Edhe në Shqipëri janë evidentuar disa raste me Flurona, me bashkë-infeksion të Covid dhe grip, por fatmirësisht këto raste janë aktualisht të përmirësuar kanë dalë nga spitali.
Nuk kanë pasur probleme shtesë, për shkak të infektimit edhe nga gripi, pasi kanë qenë të infektuar me variantin Omicron që siç dihet klinika e këtij varianti është klinikë më e lehtë krahasuar me variantin Delta. Rastet me Flurona janë evidentuar në mes të muajit Janar dhe në fillim të muajit Shkurt”, ka thënë Artan Simaku, epidemiolog në ISHP.
Sipas Simakut, vaksinimi ndaj Covid nuk duhet të ndërpritet për të pasur një mbrojtje më të madhe ndaj virusit.
