Kryeministri Edi Rama ka nisur dëshminë e tij në Komisionin Hetimor Parlamentar për Inceneratorët. Kreu i qeverisë do të pyetet nga deputetët në lidhje me këtë çështje.
Vetë në një postim në rrjetet sociale në mëngjes, kreu i qeverisë tha se “gangrenat e fushëkodërplehrave të Elbasanit, Fierit, Durrësit e Tiranës, i shëruam përfundimisht, përmes impianteve moderne të përpunimit të mbetjeve”.
Më herët në lidhje më këtë çështje kanë dëshmuar zv/kryeministri Arben Ahmetaj, ministrja Belinda Balluku, ish-ministri Damian Gjiknuri, Sekretari i Përgjithshëm i Këshillit të Ministrave Ëngjëll Agaçi, deputeti Alqi Bllako, kryebashkiakët Erion Veliaj, Armando Subashi dhe Gledian Llatja si dhe zyrtarë të tjerë të disa institucioneve të ndryshme./tvklan.al/
