Ai ka thënë në Shkodër e Lezhë të cilat ishin ndër zonat më të prekura, asnjë banesë nuk është e vërshuar nga uji, duke shtuar se forcat e emergjencës civile dhe ato të ushtrisë janë duke qëndruar afër banorëve.
Peleshi ka bërë të ditur se të gjitha rrugët janë të lira për qarkullim.
“Në të gjithë territorin e vendit ka pasur përmirësim të dukshëm të situatës që u krijua gjatë këtyre ditëve nga moti i keq. Nuk ka banesa nën ujë në Shkodër e Lezhë, por forcat e emergjencave civile, të ndihmuara edhe nga efektivë të FA po qëndrojnë pranë banorëve në zonat, ku ka pasur kërkesë për ndihmë. Po punohet me borëpastruese nga firmat kontraktore dhe ARRSH për zhbllokimin e disa akseve në veri të vendit, në Bogë-Theth, Qafë Thore- Theth, Dushaj-Lekbibaj dhe kriposjen e disa akseve ku ka prani bore. Në të gjitha akset rrugore kombëtare qarkullimi është i lirë”, ka shkruar ai në Facebook.
Peleshi ka bërë të ditur se janë dërguar ndihma nga ndihma nga rezervat e shtetit si: ushqime, batanije, e çadra për familjet në 4 bashkitë e prekura nga tërmeti i 15 janarit në qarkun e Dibrës./teve1.info/
