Një foshnjë e mbetur nën rrënoja u shpëtua gjallë 128 orë pas tërmeteve të fuqishme në Turqinë jugore, raporton Anadolu.
Foshnja, e cila besohet të jetë 2-muajshe, është shpëtuar në rrethin Antakya të provincës Hatay nga ekipet e Bashkisë Metropolitane Kocaeli.
Foshnja është dërguar me ambulancë në spital.
Tërmetet e me magnitudë 7,7 dhe 7,6, epiqendra e të cilave ishte në provincën Kahramanmaraş, u ndien nga 13 milionë njerëz në 10 provinca, duke përfshirë provincat Adana, Adıyaman, Diyarbakır, Gaziantep, Hatay, Kilis, Malatya, Osmaniye dhe Şanlıurfa.
Tërmetet u ndien në disa vende në rajon, përfshirë Sirinë dhe Libanin.
Sipas shifrave të fundit, nga tërmetet në Turqi jetën kanë humbur mbi 20.600 njerëz, kurse mbi 80.000 janë lënduar.
👶2-month-old baby rescued from quake rubble after 128 hours in debris
🚑The baby survived the deadly disaster and was immediately taken to the hospital for medical checks
🔴LIVE updates here: https://t.co/rjJzOvo2mE https://t.co/t7yLEhhhwL pic.twitter.com/65ZpKXbkhx
— ANADOLU AGENCY (@anadoluagency) February 11, 2023
