Ministrja për Evropën dhe Punët e Jashtme, Olta Xhaçka, zhvilloi një takim me ministrin e Jashtëm të Kazakistanit, Tileuberdi Mukhtar.
Ministrja Xhaçka dhe ministri Mukhtar nënshkruan në Nju Jork marrëveshjen për heqjen e vizave mes Shqipërisë dhe Kazakistanit.
Ministrja Xhaçka u shpreh se kjo marrëveshje do të kontribuojë në intensifikimin e mëtejshëm të bashkëpunimit dypalësh dhe në lirinë e lëvizjes.
Në kryeqytetin kazak Astana, ka një prani të konsiderueshme shqiptarësh, prej rreth 300-400 personash. Në Kazakistan punojnë nga 3-4 mijë shqiptarë në vit. /atsh/
