Musk në një postim në “Twitter” ka thënë se janë ata qytetarët e Donbasit e Krimesë që duhet lënë të vendosin nëse duan të jenë pjesë e Rusisë apo Ukrainës.
E ndaj këtij postimi kanë reaguar ashpër shumë ukrainas.
Edhe këshilltari i presidentit të Ukrainës, Mykhailo Podolyak reagoi duke e pyetur Muskun nëse do të legjitojmë pseudo-referendumet që kanë ndodhur nën kushte të persekutimit dhe ekzekutimit masiv, shkruan teve1.info
No, I’m suggesting voting under UN (or pick your most trusted entity or country) supervision
— Elon Musk (@elonmusk) October 3, 2022
Por Musk ka thënë se po sugjeron të votohet nën mbikëqyrje të Kombeve të Bashkuara, duke e përmendur Kosovën.
“Ndoshta një qasje të ngjashme si me Kosovën”, ka shkruar Musk, duke ia bashkangjitur një shkrim të “Britannicas” për shpalljen e pavarësisë së Kosovës.
Maybe a similar approach to Kosovo https://t.co/cGPpaXAaA3
— Elon Musk (@elonmusk) October 3, 2022
Po ashtu ndaj këtij postimi nuk la pa reaguar as vet presidenti i Ukrainës, Volodymyr Zelensky i cili në Twitter ka pyetur duke ironizuar se a e duan më shumë Elon Muskun që e përkrah Ukrainën apo atë që e përkrahë Rusinë.
Which @elonmusk do you like more?
— Volodymyr Zelenskyy / Володимир Зеленський (@ZelenskyyUa) October 3, 2022
Këtij të fundit i është përgjigjur Elon Musk, duke thënë se e mbështet Ukrainën por sipas bindjes së tij përshkallëzimi masiv i luftës do t’i shkaktojë dëm të madh Ukrainës ndoshta edhe botës.
“Unë ende e mbështes shumë Ukrainën, por jam i bindur se përshkallëzimi masiv i luftës do t’i shkaktojë dëm të madh Ukrainës dhe ndoshta edhe botës”, u përgjigj Musk.
