Sipas autoriteteve në perëndim të Gjermanisë, një shtetas iranian 32-vjeçar është arrestuar, i dyshuar se ka marrë helmet cianid dhe ricin për të kryer sulmin.
Personi tjetër i arrestuar dyshohet se është vëllai i tij.
Në kuadër të hetimeve, mbrëmë është kontrolluar banesa e të dyshuarit në qytetin Kastrop-Rauxel, thuhet në një deklaratë të përbashkët të prokurorisë publike në Dyseldorf dhe policisë në Recklinghausen dhe Münster.
Ai dyshohet se ka përgatitur një akt të rëndë dhune që do të rrezikonte shtetin duke marrë cianid dhe ricin për të kryer një sulm të motivuar islamik, thuhet në njoftim.
E përditshmja gjermane “Bild” raportoi se gjermanët janë informuar për komplotin e dyshuar nga një agjenci e huaj e inteligjencës, ose siç specifikoi, Byroja Federale e Hetimeve të SHBA.
