Kjo pasi Kina po zgjeron masat e saj kundër pandemisë pas raportimit për një shifër rekorde prej 31 mijë e 444 rasteve të infektimit me Covid-19 në vend.
Banorët mund të dalin jashtë vetëm për të blerë ushqime ose për të marrë trajtim mjekësor, ndërsa në të dyja rastet duhet të tregojnë dhe skanojnë kodet e tyre shëndetësore.
Zëdhënësja e Ministrisë së Jashtme kineze, Mao Ning, foli për masat ndaj kësaj sëmundjeje.
“Ne do të vazhdojmë të përmirësojmë masat e COVID-19 dhe të sigurojmë që ato të jenë të bazuara në shkencë. Ne po ashtu do të mundohemi të tregohemi të përgjegjshëm ndaj zhvillimeve më të fundit dhe do të lehtësojmë udhëtimet ndërkufitare dhe bashkëpunimin midis Kinës dhe vendeve të tjera”, tha ajo, raporton AP
Këtë javë, u raportuan edhe vdekjet e para nga COVID-19 në Kinë në gjashtë muaj, duke e çuar totalin në 5,232.
Ndërsa rastet dhe vdekjet janë relativisht të ulëta në krahasim me SHBA-në dhe vendet e tjera, Partia Komuniste e Kinës mbetet e përkushtuar ndaj strategjisë së saj “zero-COVID” që synon të izolojë çdo rast dhe të eliminojë plotësisht virusin.
Qeveria e quajti këtë strategji “luftë asgjësimi” kundër virusit dhe urdhëroi testime masive të përditshme./Tëvë1/
