Kryesuesi i Komisionit Qendror të Zgjedhjeve, Kreshnik Radoniqi të martën ka pritur në takim ambasadorin britanik në Kosovë Jonathan Hargreaves.
Sipas njoftimit në këtë takim, Radoniqi e ka informuar Hargreaves se KQZ-ja në Qendrat Komunale të Numërimit është duke bërë numërimin e votave të kandidatëve për deputetë dhe se në pjesën më të madhe të komunave ky proces ka përfunduar.
“Gjithashtu, Radoniqi e informoi ambasadorin britanik edhe për proceset tjera që po kryhen nga KQZ siç është vlerësimi i pakove me fletëvotime nga votimi jashtë Kosovës, respektivisht votimi përmes postës”, thuhet në njoftim.
Ndërsa nga ana e tij, Hargreaves thuhet se e ka përgëzuar KQZ-në për procesin e suksesshëm dhe të qetë të 9 shkurtit si dhe ka vlerësuar përpjekjet e KQZ-së që procesi në vazhdim të realizohet sa më shpejt dhe me transparencë./teve1.info/
