Kombëtarja e Francës do të jetë pa mesfushorin Adrien Rabiot për ndeshjen çerekfinale të “Euro 2024” që e luan kundër Portugalisë.
Rabiot nuk do të jetë në dispozicion të trajnerit Dider Deschamps për këtë përballje shkaku i suspendimit.
Ai u ndëshkua me karton të verdhë në fitoren e Francës 1:0 ndaj Belgjikës në 1/8 e finales dhe duhet të pauzoj një ndeshje për shkak se ka arritur limitin prej dy kartonëve në këtë turne.
Para Belgjikës, Rabiot u pat ndëshkuar me karton të verdhë edhe në ndeshjen me Poloninë, në të cilën Franca luajti 1:1 në kuadër të fazës së grupeve.
Rabiot ka qenë titullar në katër duelet e Francës të luajtura në Evropian deri më tani, ku në dy prej tyre ishte i pazëvendësueshëm.
Në çerekfinale kundër Portugalisë, Rabiot pritet të zëvendësohet nga mesfushori i Real Madridit, Eduardo Camavinga. Ndeshja ndërmjet Portugalisë dhe Francës do të luhet të premten mbrëma në stadiumin e Hamburgut.
